بحـث
 
 

نتائج البحث
 

 


Rechercher بحث متقدم

سحابة الكلمات الدلالية

برنامج  العاب  لعبة  الثاني  تحميل  

المواضيع الأخيرة
» طلب تيست
السبت سبتمبر 23, 2017 6:04 pm من طرف زائر

» طلب Test
الجمعة سبتمبر 22, 2017 12:33 pm من طرف ابراهيم@brgs

» طلب Test
الجمعة سبتمبر 22, 2017 12:27 pm من طرف ابراهيم@brgs

» طلب تيست
الخميس سبتمبر 21, 2017 8:42 am من طرف زائر

» انتباه الى سيرفر
الأحد سبتمبر 17, 2017 5:27 am من طرف زائر

» طلب تزويدي ب10$ بصيغة الدين لتفعيل اشتراك لاحد مشتركي
الأربعاء سبتمبر 13, 2017 8:39 pm من طرف زائر

» سبب فصل الاعبين ل ps4 من سيرفرات بتل 1 و رينبو وكل الالعاب
الأربعاء سبتمبر 13, 2017 4:04 pm من طرف زائر

» دخول عضو جديد
الإثنين سبتمبر 04, 2017 9:06 pm من طرف زائر

»  طلب تيست
الأحد سبتمبر 03, 2017 9:33 pm من طرف زائر

تدفق ال RSS


Yahoo! 
MSN 
AOL 
Netvibes 
Bloglines 



الحل النهائي للهكرية و قاطعين الارزاق للاخوة اصحاب منظومات Ubiquiti ايرث لنك

استعرض الموضوع السابق استعرض الموضوع التالي اذهب الى الأسفل

الحل النهائي للهكرية و قاطعين الارزاق للاخوة اصحاب منظومات Ubiquiti ايرث لنك

مُساهمة من طرف EarthLinkTele في الأربعاء أبريل 17, 2013 11:58 am

السلام عليكم و رحمة الله و بركاته




ربما الاخوة يذكرون .. طرحت موضوع نقاش و وسائل حتى نكَدر نربط مايكروتك و اكسس بوينت Ubiquiti لغرض التحكم و الامان
و كانت عندي افكار هواية و طرق هواية و لحد الان موجودة
لكن ضروف العمل و الحياة و قلة الوقت و التعب السبب

اليوم راح اشارك وياكم فكرة بسيطة الاغلبية مسويها و يمكن يعرفوها
لكن الي ممفكر بيها او ميعرفها خلي يستفاد من هذا الموضوع
او ينفتح تفكيره و يمكن يشوف طريقة افضل او فكرة افضل و يشاركنه بيها

مبدأ الفكرة معتمد على الـ Virtual SSID
او البث الوهمي ( الشبكة الوهمية )


الهكرية يعتمدون على طريقتين يسرق اليوزرات
الاولى : يكنك على الاكسس بوينت و يفتح سيرفر وهمي و تجي اليوزرات
الثانية : يبث بنفس الـ SSID و بعضهم من الي يفتهمون يبثون بنفس الماك ادريس الخاص بالاكسس بوينت مالتك و يفتح سيرفر وهمي
فـ بعض نانوات المشتركين تلقائياً راح تكنك عليه بدل ما تكنك ع الاكسس بوينت مالتك


طيب عرفنا الطرق المستخدمة
هسة نجي نناقش الحلول المتبعة و محاسنها و مساؤها


الحل الاول :
اخفاء الـ SSID .. حل متبع من الاغلبية لكن راح تفقد دعايتك و اسم شبكتك و تقل اليوزرية الجدد
لان اليوزر ميعرف شبكة منو هاي .. كل الي يشوفه كّدامه حقل فارغ و ماك ادريس و ميعرف المن

الحل الثاني :
قفل الشبكة بـ Key .. و هاي تطلب ان تكون موجود بيت اليوزر حتى تنزل الكي مال شبكتك و هاي شغله متعبه الك في حالة اليوزر حدث النانو مالته او رستها دفولت
ناهيك عن اسم الشبكة رجع طلع بالبحث و الهكر راح يكَدر ينسخه و يبث بنفس الاسم !

الحل الثالث :
قفل النانو على ماك ادريس الاكسس بوينت .. لكن يجيك هكر يفتهم يغير الماك مال الجهاز مالته لنفس الماك مال الاكسس بوينت مالتك ! بهالحالة مسوينه شي

الحل الرابع :
قسم من او جميع ما ذكر معاً .. و تم ذكر السلبيات و الايجابيات

و اكو حلول اخرى و كل واحد بي سلبياته و ايجابياته ..



زين اخذنا الايجابيات كلها و راح نجمعها بفد صيغة معينة
للاسف حالياً بنظام AirOS منكَدر نسوي هالشي
فـ راح نستعين بجهاز مايكروتك حتى يكمل هدفنا و يوصلنا للنتيجة الي نريدها

بحيث الاكسس بوينت الـ Ubiquiti
يكون مخفي + مقفول بـ Key
بنفس الوقت
اسم شبكتك موجود بالجو و مفتوح ممكن اليوزرية الجدد يكنكون عليه و انته تتحكم بيهم تحكم كامل و تنقلهم للاكسس بوينت الحقيقي مالتك !
و في حالة الهكر فتح منظومة وهمية ميحصل شي و لا يستفاد شي لو يدكَ راسه بـ 60 حايط !


هذا شي ممتاز و الحل النهائي .. تمام ؟



خلي نشوف شنو راح نحتاج حتى نسوي هالعملية


المتطلبات :

1- جهاز مايكروتك + انتنا :

ربما يكون عندك .. نحتاج جهاز مايكروتك مثل راوتر بورد + اومني .. او كَروف + اومني
و اذا ما عندك .. فـ الاومني تك جهاز ممتاز و سعره اقل من 100$ و ممكن تستعمله بهواي اشياء بعدين اذا ما احتاجيته بهاي الشغله


2- كيبلات :
حسب احتياج الجهاز المتوفر عندك و حاجتك


3- معرفة باعدادات المايكروتك و الـ AirOS


4- برنامج UBNT Discovery
http://www.ubnt.com/downloads/discovery/ubnt-discovery-v2.3.zip

...


و اني كَلت جهاز مايكروتك .. لان الاغلبية عندهم راوتر بورد قديم مشمور او ميتحمل البث مالتهم بعد و ميحتاجو
او عندهم اومني مشمور ميحتاجو و و و .. الخ
فـ ميحتاج نصرف فلوس و نشتري جهاز جديد لان احنه راح نبث شبكة وهمية بهذا الجهاز
ما راح نحمله 40 يوزر اونلاين و باند و بنكَ و بطيخ

فـ اي وحدة بث مايكروتك كاملة تكفي و توفي



الان نجي للعمل
و راح افترض الجهاز الي عندي اومني تك
راح اربط الكيبل مالته بالحاسبه و اشتغل اعداداته




مع مراعات الـ SSID نفسه بالضبط الي بالاكسس بوينت و نفس الماك ( سوي كوبي بيست للمايكروتك )

الان بعد ما كملت الاعدادات و خليت اسم اشاراتي و الماكات
راح اصعد الاومني تك بالبرج و اربطه عالي شوية حتى البعيد همين يشوف الاشارة
و انزل الكيبل مالته لحاسبتي
الي ما عنده معلومات راح يستغرب .. ليش للحاسبه غير للهب ؟
شسوي بي بالهب ؟
اني اريده مجرد اسم للدعاية و اليوزرية الجدد يكَدرون يكنكون عليه و اني افوت على النانو مالتهم و انقلهم للاكسس بوينت الحقيقي مالتي


الان راح يبدي الشغل الصعب و الي يرادله خلكَ
و انصح ان تشتغل الاكسس بوينتات مالتك واحد واحد لمن تكملهم كلهم
و انصح ايضاً ان تقفل تلفونك لأن راح يشعلو شعل

في حالة جان عندك هكر اصلاً و رابط على شبكتك

راح تحتاج تسوي التالي :

1- تغير الـ SSID مال الاكسس بوينت الى فد شي غريب و سهل و تخفي من الجو
2- تحط Key ع الاكسس بوينت

الان نفرض انته غيرت الاكسس بوينت الي اسمه A1

راح تجي تربط الاومني تك بالحاسبة مالتك و تشغل الفيرجوال A1
الان راح تشوف المشتركين كلهم كنكو على الاومني تك مالتك
راح تفتح برنامج الدسكفري و تكَعد تنقل بيهم واحد واحد و تحط الباسورد مال شبكتك
بعد ما خلصت المشتركين كلهم الان غير الماك مال الفيرجوال A1

و تضل هيج و تكمل كل الاكسس بوينتات و المشتركين

النتيجة :

شبكتك موجودة بالجو مثل قبل حالها حال غيرها
المشترك الجديد تكَدر تفوت عليه و تنقله للاكسس بوينت الحقيقي مالتك سواء مشترك او سواء تريد تنطي تيست

في حالة طلب تيست و سواله لعبه و فتح سيرفر وهمي او ضل مكنك .. عندك رقم تليفونه و اتصرف


...



اما في حالة انته معندك هكر و تريد تطبق هالعملية للحماية و الاحتياط .. فـ راح تصير اسهل عليك

1- اخفي الـ SSID مال الاكسس بوينت الحقيقي
2- اقفل النانوات على ماك الاكسس بوينت مالتك
3- سوي الفيرجوال بالمايكروتك بنفس اسم الشبكة بس بي تغيير و غير الماك ادريس
فـ مثلاً اذا الشبكة الاصلية
SHEBKAT A1 - 0770111111
00:00:00:00:01
راح نسوي بالفيرجوال هيج
SHEBKAT A1 0770111111
00:00:00:10:00

كـ مثال بسيط
و اذا تريد امان اكثر و تحط KEY ع الشبكة مالتك اتبع الطريقة الطويلة الي فوكَ


و ايضاً النتيجة :

شبكتك موجودة بالجو مثل قبل حالها حال غيرها
المشترك الجديد تكَدر تفوت عليه و تنقله للاكسس بوينت الحقيقي مالتك سواء مشترك او سواء تريد تنطي تيست

في حالة طلب تيست و سواله لعبه و فتح سيرفر وهمي او ضل مكنك .. عندك رقم تليفونه و اتصرف


أو

يمكن استخدام Bullet لنفس العملية
لكن راح تصير شبكتك بـ SSID واحد فقط للأسف



صح العملية راح تكلفك مبلغ مادي
لكن احسبها من ناحية انته مرتاح و اليوزرية مرتاحين
و تكَدر تترك منظومتك و تروح تسافر لو تلف راسك و تنام بلا ما كل شوية واحد يتصل يكَولك 691


اتمنى اكون أفدت بعض الاخوة و عذراً ع الاطالة
avatar
EarthLinkTele
المدير العــام
المدير العــام

عدد المساهمات : 281
تاريخ التسجيل : 25/08/2012
العمر : 39

http://earthlinktele.phpbb9.com

الرجوع الى أعلى الصفحة اذهب الى الأسفل

رد: الحل النهائي للهكرية و قاطعين الارزاق للاخوة اصحاب منظومات Ubiquiti ايرث لنك

مُساهمة من طرف عباس القريشي في الثلاثاء سبتمبر 30, 2014 7:22 am

اعتقد اذا ابث بنانو ام 5 وما اخلي فد key  اله الهكر كبل يطب للمنظومة صح ...بس من اخلي key للنانو يفقد البث للمشتركين الي كانو مكنكين عليه شلون بهاي الحالة؟؟؟

عباس القريشي
عضو جديد
عضو جديد

عدد المساهمات : 8
تاريخ التسجيل : 26/09/2014
العمر : 34
الموقع : https://www.facebook.com/alqorashy

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى